Црвениот крст на град Скопје и општинските организации на Црвен крст на територија на град Скопје, традиционално и оваа година ќе одбележат Светскиот ден на Првата помош.
Одбележувањето кое го организираат во соработка и со поддршка на СВР Скопје, ќе биде со изведување показна вежба за правилно укажување на прва помош на неколку локации во Скопје, односно пред ТЦ Бисер, пред порта Македонија и спроти ТЦ Мавровка (Бит пазар).
Ќе бидат симулирани повреди, а возачите на моторни возила кои ќе бидат сопрени од страна на овластено лице на СВР Скопје треба правилно да ги санираат. За сите кои правилно ќе укажат Прва помош предвидени се награди, а оние кои немаат доволно знаење, ќе бидат едуцирани од волонтерите на Црвениот крст обучени за правилно укажување прва помош.
Преку оваа активност, Црвениот крст уште еднаш ја нагласува потребата од навремено и правилно укажување Прва помош како вештина која спасува живот и треба да биде совладана од сите, без разлика на возраста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
