Речиси 50 милиони деца низ светот присилно ја напуштиле својата татковина поради насилство, прогон или војна, соопшти денеска УНИЦЕФ.
Податоците од анализата велат дека 28 милиони се раселени поради воени судири, од кои 10 милиони се класифицирани како бегалци. Дваесет милиони пак, се раселени поради присуство на банди, сиромаштија…
Од оние деца кои немаат пристап до хуманитарна помош, околу 17 милиони се внатрешно раселени. Еден милион се малолетните баратели на азил, чиј бегалски статус се уште не е решен. Од вкупниот број деца бегалци, 45 отсто се од Сирија и Авганистан.
Лицата на возраст под 18 години во 2015 сочинувале една третина од светската популација, а во последното десетлетие бројот на деца бегалци се удвоил, стои во извештајот.
Се почесто се случува тие деца да патуваат сами без придружба, па така минатата година се регистрирани 100.000 малолетници без старатели кои побарале азил во 78 држави. Тоа е речиси три пати повеќе во однос на 2014 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
