Албанската полиција, само во текот на изминатата недела, уништила 120 илјади стебла марихуана, засадени на 140 парцели низ целата територија на земјата. Најголемата количина уништени стебла марихуана е во подрачјето на Дукаѓини, каде само во еден ден се уништени 25 илјади стебла и е уапсен и првиот човек на административнат единица на Пулт, во чијшто дом полицијата открила и запленила поголема количина од ова наркотично растеније.
Во атарот на Почем, покрај клисурата на реката Вјоса полицијата открила досега најголема фарма, каде што се уништени повеќе од 40 илјади стебла марихуана, која се наводнувала со софистициран систем.
Во изминатите осум месеци од годинава, посебно во летниот период, уништени се околу 1,6 милиони стебла марихуана и уапсени се 140 лица, главно работници. Полицијата акцијата за уништување насади со марихуана ја релизира во соработка со италијанската полиција „Интерфорца“, која одигрува значајна улога во откривањето на парцелите од воздух, јавија албански медуми.
Во акцијата учествувале и припадниците на полициската единица за брза интервенција. Акцијата за уништување на насадите со марихуана ќе продолжи и во наредните две недели.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
