Претседателот на Република Српска, Милорад Додик се наоѓа на 11. место на „црната европска листа за отстрел“ на Исламската држава, пишува денеска српскиот весник „Блиц“.
Весникот наведува дека Додик лично ја потврдил оваа информација.
– Неодамна дознав дека сум 11-ти на црната листа на ИД, изјави претседателот на РС.
На листата на ИД се претседатели и премиери на земјите од ЕУ и регионот, меѓу кои и претседателот на Франција Франсоа Оланд, германската канцеларка Ангела Меркел, премиерот на Белгија, Шарл Мишел и други државници, кои секојдневно се спротиставуваат на се посилниот исламски екстремизам во Европа, пишува „Блиц“.
Експертот по прашањето за безбедност, Џевад Галиашевиќ изјави дека ИД има список за отстрел, во кој се наведени нејзините најголеми противници.
– Верувам дека претседателот на РС, Додик, е на таа листа на ИД. Тој исто така е единствениот човек од БиХ, кој се наоѓа на мета на исламистите, изјави Галиашевич.
Тој додаде дека името на Додик се нашло на тој список поради спротиставувањето на исламизацијата во БиХ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
