Единствениот сведок на трагедијата: Мајката ја фрлил од осми кат, a ќерката ја претепал

Единствениот сведок на синоќешната трагедија која се случи во населбата Краљевица во Зајечај, кога Милен Миленовиќ (31) ја фрли од тераса на осмиот спрат својата невенчана сопруга Татјана Рангеловиќ (43), а потоа и самиот скокнал и си пресудил, била Марија Рангеловиќ, ќерка од првиот брак на убиената Татјана.

Марија веднаш по трагедијата била пренесена во болница. Девојката е единствениот очевидец на трагедијата, но сеуште нема дадено изјава затоа што не може да зборува поради повредата која ја има, а исто така заради болките била и под седативи.

– Кога отидовме да земеме изјава од Марија, прво не шокираше нејзиниот изглед. Лицето и беше целото со модринки, скоро целосно изобличено. Не можеше да даде никаква изјава, па ќе се обидеме кога ќе и биде подобро, изјавиле од полицијата.

Татјана Рангеловиќ

Според српските медиуми, девојката била на инфузија, затоа што од ударите кои и ги нанел Милен имала скршеница на јаболчната коска и потрес на мозокот.

– Милен најверојатно прво ја претепал ќерката, а нејзината мајка во обидот да ја обрани, ја фрлил од тераса. Потоа и самиот се фрлил и извршил самоубиство. Постои и помалку веројатна верзија, во туркањето несакајќи да ја бутнал Татјана, па кога видел што направил, и самиот да се фрлил, изјавил полициски извор.

Милен пред десетина години заради љубовни проблеми скокнал од четврти спрат, но тогаш слетал на паркиран автомобил, па завршил само со скршена нога.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.