Ѓорчевски: Треба да се подигне свеста за осигурување

Ко­га би за­вр­шил уви­дот на те­рен во поп­ла­ве­ни­те по­драч­ја, со кол­ку ти­мо­ви рас­по­ла­га­те?

Ѓор­чев­ски: Се­га се пра­ви увид во оште­те­ни об­је­кти и во­зи­ла, зна­чи ко­ми­си­и­те се по­сто­ја­но на те­рен и вр­шат увид на тоа што е оште­те­но. Про­це­на­та сѐ уште не ја пра­ви­ме. Таа ќе би­де на­пра­ве­на отка­ко ќе за­вр­ши уви­дот. До 15 август е из­вр­шен увид во 3.200 ку­ќи и има­ме по­ми­на­то 1.200 во­зи­ла. Ти­мо­ви­те про­дол­жу­ва­ат да ра­бо­тат на те­рен, та­ка што оче­ку­ва­ме оваа не­де­ла да би­де за­вр­шен уви­дот во нај­го­лем дел од на­се­ле­ни­те ме­ста по­го­де­ни со поп­ла­ва­та. Оче­ку­ва­ме до­пол­ни­тел­на ра­бо­та со на­се­ле­но­то ме­сто Син­ѓе­лиќ би­деј­ќи та­му има најм­но­гу ште­та. Зна­чи, во си­те на­се­ле­ни ме­ста има на­ши ко­ми­сии. Во нај­по­го­де­ни­те ме­ста има­ме најм­но­гу ко­ми­сии. Со ог­лед на тоа де­ка 90 от­сто од об­је­кти­те се по­се­те­ни, го има­ме на­ма­ле­но бро­јот на ко­ми­си­и­те би­деј­ќи, ре­ал­но, ве­ќе не­ма го­ле­ма по­тре­ба за ко­ми­си­и­те да одат на увид, та­ка што се­га во оп­тек има­ме 25 ко­ми­сии кои се на те­рен. Ко­ми­сии ќе има уште не­кол­ку де­на, за лу­ѓе што не би­ле по­се­те­ни. Оче­ку­ва­ме оваа не­де­ла да би­де за­вр­шен уви­дот и во на­се­ле­но­то ме­сто Син­ѓе­лиќ, со увид во оште­те­ни об­је­кти и во­зи­ла.

 

Ко­ја е по­стап­ка­та за увид во оште­те­ни­те ку­ќи и во­зи­ла?

Ѓор­чев­ски: На­ши­те ко­ми­сии одат на са­мо­то ме­сто, ули­ца по ули­ца, во се­кој оште­тен об­јект. На те­рен има лу­ѓе од Оп­шти­на Га­зи Ба­ба кои се одре­де­ни ка­ко ко­ор­ди­на­то­ри за си­те на­се­ле­ни ме­ста и до­кол­ку не­кој е про­пу­штен ја­ву­ва во Мес­на­та за­ед­ни­ца, Оп­шти­на­та или во на­се­ле­но­то ме­сто ка­де што е криз­ни­от штаб и ние по­тоа ги по­ми­ну­ва­ме и тие оште­те­ни об­је­кти. Тоа зна­чи де­ка иа­ко ве­ли­ме де­ка де­но­ви­ве ќе за­вр­ши­ме со про­це­на­та, не зна­чи де­ка до­пол­ни­тел­но, ако е не­што про­пу­ште­но, не­ма да би­дат по­се­те­ни гра­ѓа­ни­те. Си­те што се оште­те­ни ќе би­дат по­се­те­ни и ќе би­де из­вр­шен увид од мо­бил­ни­те еки­пи. Не­ма да оста­нат ку­ќа и во­зи­ло што не­ма да би­дат по­ми­на­ти.

Ка­ква е про­це­ду­ра­та за увид?

Ѓор­чев­ски: Зна­чи, ко­га се оди на увид, се фо­то­гра­фи­ра об­је­ктот, ку­ќа­та, по­куќ­ни­на­та што е оште­те­на. До­кол­ку дел од по­куќ­ни­на­та е од­не­се­на од ли­ца­та што чи­стат, сопс­тве­ни­кот тре­ба да да­де из­ја­ва. Ние за­тоа и упа­тив­ме по­вик до си­те оште­те­ни, да ја фо­то­гра­фи­ра­ат по­куќ­ни­на­та ко­ја е из­не­се­на ка­ко оште­те­на, за да ни ја олес­нат ра­бо­та­та, за да ко­га ќе дој­де ко­ми­си­ја­та, се при­ло­жи фо­то­гра­фи­ја­та со из­ја­ва. За во­зи­ла­та, пак, има­ме слу­чаи ко­га во­зи­ло­то би­ло на ме­сто­то на на­ста­нот, се слу­чи­ла ште­та­та, но по­тоа во­зи­ло­то го дис­ло­ци­ра­ле от­та­му. Ток­му за­тоа ние прет­ход­но по­ба­рав­ме од лу­ѓе­то да го фо­то­гра­фи­ра­ат оште­те­но­то во­зи­ло на ме­сто­то на на­ста­нот во со­стој­ба­та во ко­ја што би­ло за да зна­е­ме де­ка тоа во­зи­ло би­ло поп­ла­ве­но. Ва­ка, ако го трг­не­те од ме­сто­то и го ис­чи­сти­те, ќе не­ма­те до­каз де­ка би­ло поп­ла­ве­но, па ќе не­ма на­чин да се до­ка­же де­ка тоа во­зи­ло на­ви­сти­на би­ло оште­те­но од поп­ла­ви­те.

 

Ка­ква е про­це­ду­ра­та за увид на во­зи­ла­та?

Ѓор­чев­ски: Увид има­ме на­пра­ве­но во 1.200 во­зи­ла. Сме­та­ме де­ка има­ме уште не­кол­ку де­на на те­рен и ќе има по­го­лем број во­зи­ла врз кои ќе би­де на­пра­вен увид. За во­зи­ла­та ва­жи иста­та про­це­ду­ра ка­ко и за ку­ќи­те. Се фо­то­гра­фи­ра во­зи­ло­то од си­те стра­ни, мо­то­рот, вна­треш­но­ста, се пра­ви ко­пи­ја од со­о­бра­ќај­на­та доз­во­ла за да се ви­ди бро­јот на ша­си­ја­та, бро­јот на мо­то­рот.

 

Ка­ков е од­но­сот со гра­ѓа­ни­те за вре­ме на уви­дот имај­ќи пред­вид низ што сѐ по­ми­на­ле?

Ѓор­чев­ски: Ние им ка­жу­ва­ме на гра­ѓа­ни­те де­ка сме ту­ка за да им по­мог­не­ме. Тре­ба да нѐ раз­бе­рат де­ка мо­ра да за­пи­ше­ме, мо­ра да ви­ди­ме што се слу­чи­ло. Ге­не­рал­но, во 95 от­сто од слу­ча­и­те при­е­мот од гра­ѓа­ни­те е до­бар. Не­ко­гаш има си­ту­а­ци­ја ко­га нѐ кри­ти­ку­ва­ат, на при­мер, „вле­го­вте во не­ко­ја ули­ца, па се­га ќе си оди­те, зо­што не оста­не­те да ја за­вр­ши­те це­ла­та ули­ца“. Лу­ѓе­то мо­ра да нѐ раз­бе­рат де­ка од 9 август, вед­наш по поп­ла­ви­те, на­ши­те еки­пи се из­ле­зе­ни на те­рен се­кој ден, и са­бо­та и не­де­ла не­ма­ат за­пре­но. Та­ка што, гра­ѓа­ни­те мо­ра да раз­бе­рат де­ка ако еки­па­та си за­ми­не, ќе дој­де на­ред­ни­от ден. Ни­кој не­ма да би­де од­ми­нат. Фо­то­гра­фи­ра­ат, пра­ват за­пис­ник од уви­дот за под­виж­ни и нед­виж­ни ра­бо­ти. До­ку­мен­ти­те од уви­дот ги до­ста­ву­ва­ат до Би­ро­то и след­на­та фа­за е пра­ве­ње про­це­на. Да се ви­ди кол­ка­ва е ште­та­та, да се прес­ме­та и се­вкуп­ни­те про­це­ни да би­дат до­ста­ве­ни до Др­жав­на­та ко­ми­си­ја за про­це­ни на ште­ти, ко­ја ќе ги пре­да­де на Вла­да­та, а Вла­да­та тре­ба да до­не­се од­лу­ка за обес­ште­ту­ва­ње, од­нос­но да ги при­фа­ти на­ши­те про­це­ни на ште­та, по што ќе сле­ду­ва исп­ла­та на па­ри­те.

 

Поп­ла­ве­ни, спо­ред пр­вич­на­та про­це­на, беа око­лу 5.000 ку­ќи. Ка­ко се про­це­ну­ва тоа што мо­же да се по­пра­ви, а ка­ко тоа што не мо­же?

Ѓор­чев­ски: Си­ту­а­ци­ја­та на те­рен е ва­ква. Ку­ќи­те по­сто­јат, тие се поп­ла­ве­ни, но не се и од­не­се­ни од во­да­та. Има­ме не­кол­ку слу­чаи, мо­же­би по­мал­ку од 1 про­цент од тие 5.000 ку­ќи, ка­де што ку­ќи­те се во тол­ку очај­на со­стој­ба што не мо­жат да се по­пра­ват, од­нос­но тре­ба да се ур­нат. За нив Вла­да­та ќе од­лу­чи ка­ко ќе ги обес­ште­ти. Ге­не­рал­но, ќе се по­тру­ди­ме кол­ку мо­же да би­де на­пра­ве­но нај­по­вол­но се­то тоа во ин­те­рес на гра­ѓа­ни­те, за да мо­жат да про­дол­жат да жи­ве­ат на ме­сто­то на кое жи­ве­е­ле пред поп­ла­ва­та. Во ку­ќи­те за­фа­те­ни со поп­ла­ва­та најм­но­гу е оште­те­на по­куќ­ни­на­та. И ку­ќи­те се де­лум­но оште­те­ни, но тоа ќе се прес­ме­та за лу­ѓе­то да мо­жат да го са­ни­ра­ат од оште­та­та што ќе ја до­би­јат и да про­дол­жат да жи­ве­ат.

Не е на­ру­ше­на ста­ти­ка­та на об­је­кти­те?

Ѓор­чев­ски: Ге­не­рал­но, за тие об­је­кти што ќе ги по­со­чат на­ши­те ко­ми­сии за увид де­ка ре­ал­но не­ма­ат ус­ло­ви за функ­ци­о­ни­ра­ње, тре­ба да се по­ви­ка­ат екс­пер­ти од ИЗИС или дру­ги ли­ца струч­ни за ста­ти­ка кои ќе ка­жат да­ли тие об­је­кти мо­ра да се ур­нат. Тре­ба да се из­бе­ре на­чин ка­ко да им се овоз­мо­жи на лу­ѓе­то да про­дол­жат да жи­ве­ат. Ние не мо­же­ме да ка­же­ме де­ка не­кој об­јект тре­ба да се ур­не.

 

Зна­чи, вие ан­га­жи­ра­те и екс­пер­ти од дру­ги об­ла­сти?

Ѓор­чев­ски: Ние мо­ра­ме да им се заб­ла­го­да­ри­ме на си­те еди­ни­ци од ло­кал­на­та са­мо­у­пра­ва. Ни дој­де по­мош од си­те ли­ца кои рас­по­ла­га­ат со уве­ре­ни­ја за про­це­ни­те­ли. Дој­доа и ни по­ну­ди­ја по­мош за по­бр­зо да се на­пра­ви уви­дот. Си­те на­ши ре­сур­си се ста­ве­ни во оп­тек. Исто та­ка, тре­ба да им се заб­ла­го­да­ри­ме на оси­гу­ри­тел­ни­те ком­па­нии што ни из­ле­гоа во пре­срет, па ни да­доа не­кол­ку екс­пер­ти за про­це­на на мо­тор­ни­те во­зи­ла. Та­ка што, на­пра­вив­ме го­лем број еки­пи со раз­лич­ни екс­пер­ти за да мо­же­ме по­бр­зо да за­вр­ши­ме, што ни по­мог­на за де­се­ти­на де­на да на­пра­ви­ме увид во над 95 про­цен­ти од оште­те­ни­те.

 

Кол­ку вре­ме е по­треб­но од увид до про­це­на на ште­та­та?

Ѓор­чев­ски: Раз­лич­но е од об­јект до об­јект, за­ви­си од оште­ту­ва­ње­то. Ние ќе на­пра­ви­ме по­ве­ќе ти­мо­ви што ќе ра­бо­тат ин­тен­зив­но за да мо­же што по­бр­зо да се за­вр­шат про­це­ни­те. Мо­же да да­дам не­кој рок отка­ко ќе за­вр­ши­ме со уви­дот, за 20- 30 де­на да ја за­вр­ши­ме и про­це­на­та. Се­пак, сме­тај­те на тоа де­ка се ра­бо­ти за око­лу 12.000 про­це­ни, што ре­ал­но не е ма­ла број­ка за бр­зо да се за­вр­ши, но ќе на­пра­ви­ме на­по­ри нај­бр­зо што мо­же да се за­вр­шу­ва­ат про­це­ни­те и мо­же­би ќе се оди на етап­на исп­ла­та, за­ви­си ка­ко ќе се од­лу­чи. Ге­не­рал­но, ние ќе се по­тру­ди­ме што по­бр­зо да го за­вр­ши­ме на­ши­от дел од ра­бо­та­та.

 

Има ли поп­ла­ки на те­рен, од ти­пот на не­и­сфр­ла­ње на оште­те­но­то за вие да на­пра­ви­те увид иа­ко тоа мо­же да би­де из­вор на за­ра­зи?

Ѓор­чев­ски: Сѐ уште има та­кви си­ту­а­ции на те­рен иа­ко ние не­кол­ку па­ти наг­ла­сив­ме де­ка се­та по­куќ­ни­на мо­же да би­де исфр­ле­на, а до­вол­но е гра­ѓа­ни­те да ја до­ку­мен­ти­ра­ат пре­ку ед­на-две фо­то­гра­фии. Дел од гра­ѓа­ни­те сме­та­ат де­ка оште­те­но­то тре­ба да оста­не во до­мот иа­ко не­ма по­тре­ба за та­кво не­што, со ог­лед на тоа де­ка нај­го­лем дел од оште­те­ни­те до­мо­ви ние ве­ќе ги по­пи­шав­ме и не­ма зо­што оште­те­но­то да не се фр­ли. Се­пак, мис­лам де­ка та­кви­те си­ту­а­ции се над­ми­на­ти и не­ма по­тре­ба да не се фр­ли оште­те­но­то.

Ка­ко Вие лич­но го до­жи­ве­а­вте оде­ње­то на те­рен во поп­ла­ве­ни­те по­драч­ја?

Ѓор­чев­ски: Тоа е тра­у­ма. Не­кој што соз­да­вал дол­го вре­ме, сѐ гу­би за миг. Има кал до ко­ле­на. Во нај­по­го­де­ни­те ме­ста е мно­гу страш­на сли­ка­та. Има го­ле­ми ко­ли­чи­ни во­да, кал, се­то тоа се чи­сти, се от­стра­ну­ва. По­зи­тив­но во це­ла­та си­ту­а­ци­ја е што мно­гу бр­зо се из­ле­зе на те­рен за да се рас­чи­сти и гра­ѓа­ни­те по­чув­ству­ваа де­ка не­кој се гри­жи за нив со се­вкуп­но­то за­ла­га­ње на си­те ин­сти­ту­ции и лу­ѓе.

 

По поп­ла­ви­те ла­ни во Те­тов­ско, го­ди­на­ва во Скоп­ско, да­ли гра­ѓа­ни­те го сфа­ќа­ат зна­че­ње­то на оси­гу­ру­ва­ње­то, со ог­лед на тоа де­ка ос­нов­ни­те па­ке­ти не по­кри­ва­ат ва­ква еле­мен­тар­на не­по­го­да?

Ѓор­чев­ски: На За­пад е ши­ро­ко­рас­про­стра­не­та на­ви­ка­та за оси­гру­ва­ње имо­ти и жи­вот. Кај нас се­то тоа сѐ уште не е из­диг­на­то на тоа ни­во по­ра­ди што мис­лам де­ка тре­ба да се ор­га­ни­зи­ра­ат кам­па­њи со кои лу­ѓе­то ќе се за­поз­на­ат со пред­но­сти­те на оси­гу­ру­ва­ње­то. Во­де­но, би тре­ба­ло да би­дат из­го­тве­ни па­ке­ти за оси­гу­ру­ва­ње кои ќе би­дат по­ну­де­ни во не­кои по­ри­зич­ни ре­ги­о­ни иа­ко поп­ла­ва­та не мо­же да се пред­ви­ди. Тре­ба да се ди­мен­зи­о­ни­ра не­кој про­дукт кој ќе ги по­крие си­те ри­зи­ци од поп­ла­ва, по­жар и дру­ги еле­мен­тар­ни не­по­го­ди. Ре­ал­но, не ста­ну­ва збор за го­лем из­да­ток за оси­гу­ру­ва­ње, па се­кој мо­же да си го доз­во­ли. Тре­ба да се ра­бо­ти на тоа лу­ѓе­то да ја сфа­тат по­тре­ба­та од оси­гу­ру­ва­ње, по­себ­но во ру­рал­ни­те по­драч­ја кои се обич­но по­по­го­де­ни од не­сре­ќи.

 

Се со­о­чу­ва­те и со ек­стрем­ни ба­ра­ња на те­рен?

Ѓор­чев­ски: Стре­сот си го пра­ви сво­е­то. Лу­ѓе­то до­а­ѓа­ат, ка­жу­ва­ат сѐ што мо­жат да ка­жат, па, на при­мер, ако не­кој имал до­ма еден па­кет зеј­тин и тој го при­ја­ву­ва. Ту­ка не мо­же­ме да ка­же­ме ка­ков ќе би­де ста­вот на Вла­да­та. По­пи­шу­ва­ме сѐ што мо­же­ме да ви­ди­ме на са­мо­то ме­сто, осо­бе­но под­ви­жен имот, кој е по­тре­бен за жи­ве­е­ње, над­вор од днев­ни­те по­тре­би за ја­де­ње. Цел ни се под­виж­ни­от и не­под­виж­ни­от имот, но не и хра­на­та.

 

Разговараше: Александрија Стевковска
Фото: Дејан Станчевски
(Интервјуто со Дени Ѓорчевски е објавено во 207. број на неделникот Република, 19.08.2016)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.