Попладнево Кривичниот суд во Скопје ќе ја објави пресудата за смртта на матурантот Мухамед Али Јашари, кој беше смртно повреден во дворот за средното училиште „Здравко Цветковски“ обидувајќи се да го заштити својот другар.
Три момчиња, Петар Маневски, Стефан Гелов и малолетникот Доријан, се обвинети во овој судски процес, од кои првообвинетиот се товари за нанесување тешка телесна повреда за што во законот е предвидена казна и до 15 години и од летоска е во бегство. Другите двајца се обвинети за загрозување со опасно орудие при тепачка или караница.
На последното рочиште семејството Јашари побара надомест за нематеријална штета од 3 милиони денари. Во завршните зборови обвинителството побара да бидат соодветно казнети момчињата, а адвокатите тврдеа дека обвинението не било поткрепено со докази.
Судскиот процес почна пред една година и денеска треба да финишира со првостепена пресуда.
Јашари стана херој за младите генерации бидејќи животот го загуби обидувајќи се да го одбрани својот пријател Дарко. Според обвинителството, ударот со камен во градниот кош бил смртоносен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
13 и 12 години затвор за тројцата обвинети за злоупотреба на малолетничката која остана бремена
-
Комити повикуваат на собир пред Собранието: Излезете на улица, ве повикува вашата мајка, Македонија!
-
Девет години затворска казна за Ѓоко Поповски
-
Денеска пресуда за грабежот во Тутунска – никој не знае каде се парите
