Долгото топло лето долго трае, така што сезоната на костими за капење е во полн ек. Познатите модели ги рекламираат најпосакуваните костими за капење за ова лето. Бикини, едноделни костими, но и летни комбинизони и наметки за на плажа – сето тоа го има во најновите каталози на познатите марки.
Впечатливи дезени, но и комбинации на силни и живи бои се главни трендови за оваа сезона. Со преубавите парчиња од нивната колекција, летото слободно може да трае и подолго.
Бикините ова лето се обоени во енергична зелена и портокалова боја, но и во гламурозна црна и бела боја. Храбрите кроеви ја нагласуваат заводливоста на женското тело. И ова лето е атрактивен дезенот на зебра, кој како никогаш да не излегол од мода. Со овие модели во комбинација одат сензуални проѕирни или елегантни летни фустани и туники.
Но, како што е различна секоја женска градба на телото, така се различни и нашите вкусови. Некои се одушевуваат од минималистичка елеганција, други обожаваат необични кроеви, трети сакаат костимот да им биде удобен и функционален.
На пазарот има модерни костими за капење со проверен крој, како и модели што може да се носат на различни начини.
Симпатичен е дводелниот ретрокостим за капење каков што носеле девојките во 60-тите и во 70-тите години на минатиот век.
Едноделните црни костими за капење, исто така, никогаш не излегуваат од мода.
Ако е црн, не значи дека мора да биде обичен. Ако сакате класичен едноделен костим за капење, слободно може да одберете таков модел. Но, ако сакате необичен, модерен едноделен костим за капење слободно побарајте, бидејќи црн бикини никогаш не излегува од мода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
