„Седев, пиев пиво и бам, бам, бам, почна да пука“

Германскиот весник „Билд“ објавува интервју со Томас Селби, човекот кој го сними напаѓачот од Минхен на покривот на паркингот во близина на трговскиот центар „Олимпија“.

– Пиев пиво после работа и чув пукање. Прво во „Мекдоналдс“ – бам, бам, бам, така звучеше. Тогаш луѓето почнаа да трчаат низ трговскиот центар, тоа е точно пред нашата куќа. Прво помислив дека се слушна калашников – вели Селби.

– Го репетриаше пиштолот. Фрлив шише на него, но тоа падна на покривот. Тогаш му викнав: Кретен еден, дали си нормален? и се појави на покривот на паркингот. Напаѓачот ми одговори: Јас сум Германец – објаснува Селби во интервјуто.

Селби истакнува дека напаѓачот од Минхен кој убил девет луѓе и изврши самоубиство, куршумот го испукал во неговиот правец. Има дупки од куршумот на неговиот балкон.

Според него, полицијата кога дошла, не знаела каде е напаѓачот.

– Им кажав дека е на покривот на паркингот. Не се уплашив. Не знаев дели куршумите се вистински или гумени – вели во интервјуто 57-годишниот Селби.

Минхенската полиција соопшти дека во пукањето загинале 10 луѓе, а 27 се ранети. Напаѓачот не бил поврзан со Исламската држава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.