Единица на француската полиција за борба против тероризмот од властите во Ница побарала да ги избришат снимките од камерите што го покриваат шеталиштето на која беа убиени повеќе од 80 лица во терористичкиот напад со камион на Денот на падот на Бастилја, објави денеска весникот „Фигаро“, повикувајќи се на неименувани извори.
Ова барање до канцеларијата на градоначалникот на Ница во средата го упатила специјалната единица задолжена за борба против екстремизмот (СДАТ).
Како што пренесува „Раша тудеј“, францускиот весник дошол до копија од документот во кој се наведува дека СДАТ, повикувајќи се на членови на Кривичниот закон, бара од градските власти целосно да ги избришат сите 24 часа снимки од камерите на шеталиштето.
– Избришете ги записите направени меѓу 14 јули во 22.30 часот и 15 јули во 18 часот, се наведувало во документот во кој се посолува внимание на шест камери, чиишто снимки „посебно мораат да бидат избришани“.
– Ова е првпат некој да ни бара да уништиме докази. Центарот за видеонадзор и градот можат да бидат тужени заради ова, а нашите службеници немаат надлежност да прават вакви работи – изјавија за „Фигаро“ извори од градската власт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
