Замената на Марко Пјаца во составот на Динамо Загреб на вчерашниот меч во Скопје, млојадиот Марко Рог ја покажа својата класа и ги зголеми шансите за трансфер во еден од големите европски гиганти ова лето.
Тој беше стрелец на вториот гол на „модрите“, а по мечот репрезентативецот на Хрватска истакна по мечот дека и се радува на победата од 2-1, но и повика загрепчани да бидат претпазливи пред реваншот на 20. јули.
– Вкупниот впечаток е дека ја заслуживме победата, подобри сме од Вардар, но тие се опасна и незгодна екипа. Им честитам на одличната претстава која повикува да останеме цврсто на земја. Не ни паѓа на памет да ги потцениме и да се опуштиме пред реваншот во Загреб. Тоа може скапо да не чини. Не чека нов тежок меч против Вардар. Сепак мислам дека сме поквалитетни за нијанса и можеме да се пласираме во следната рунда – вели Рог.
Признание и комплименти за добрата игра на Вардар дојдоа и од останатите фудбалери на Динамо, екипа која сепак е огромен фаворит за пласман во третата квалификациска рунда за пласман во ЛШ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
