Политичките прогони, незаконското постапување и селективноста целосно ги урнисаа интегритетот и кредибилитетот на Специјалното јавно обвинителство (СЈО), а планот за спас на на угледот на оваа привремена институција и за покривање на сопственото непрофесионално однесување што го подготвува Катица Јанева опфаќа две насоки, пишува Курир.мк.
Првата насока е префрлање на одговорноста за досегашните грешки на СЈО врз другите институции. Заради тоа, се пласираат апсурдни предлози за специјален суд или оддел во МВР, кои се надвор од договорот од Пржино. Според тоа што го дознаваме, станува збор за лична амбиција на Катица Јанева со цел да ги оправда пропустите и лошата репутација на СЈО.
Информациите што беа објавени на дел од проопозициските медиуми дека наводно помошник-државниот секретар на САД за европски и евроазиски прашања Викторија Нуланд барала специјално оделение во Судот и во МВР кое ќе се занимава со случаите кои се предмет на интерес на СЈО се невистинити, велат нашите извори.
Впрочем, дознаваме дека тоа биле желби и предлози на Катица Јанева, која на тој начин сакала да ја комплетира својата работа која според сите параметри се оценува како целосно фијаско, политички претенциозна и политички мотивирана.
Соочена со многубројните скандалозни постапки и афери кои се провлекуваат низ нејзината работа и со очигледниот неуспех наспроти кренатите очекувања, овие нејзини предлози се сламката на спасот со цел да избегне целосно фијаско на функционирањето и досегашното работење на СЈО.
Од неофицијални извори дознаваме дека во ВМРО-ДПМНЕ ваквите предлози ги оценуваат како нешто што е надвор од претходно договорениот пржински договор, кој беше основа за политички договор за надминување на актуелната политичка криза.
Втората насока и обид да се поврати кредибилитетот на СЈО е наводното покренување на некакви процеси против лидерот на СДСМ Зоран Заев. Преку овие случаи Катица Јанева ќе се обиде да прикаже некаква неутралност и неселективност, а всушност истите се однапред договорени и треба да завршат со ослободување од прогон на Зоран Заев.
Од новиот театар кој го смислила Катица Јанева , СЈО и Заев би требало двојно да профитираат. Од една страна СЈО ќе ја враќа довербата како независна институција, а од друга страна Заев би требало да изгледа како жртва, која на крај се изборила за правда и се докажало дека е невин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
