Љубителите на екстремните и адреналински спортови ќе можат да ги испробаат своите вештини во јазење и прескокнување на височина до 6 метри меѓу високите стебла на прекрасната борова шума на новоизградената адреналинска патека на истокот од Македонија во Пехчево.
-Авантуристички парк е место кое може да содржи широк спектар на елементи како објекти кои обично се користат за рекреација и доживување на авантура, а во нашиов случај се направени препреки од јажиња и сајли, како и од дрво, кои висат закачени на дрвја или се напавени од некој друг материјал на височина од 4 м до 6 м, поврзани меѓусебе со платформи, вели Никола Каракашов од Општина Пехчево.
Бидејќи патеката бара физичка и психичка подготвеност и нуди надминување на стравот од височина, наречена е адреналинска патека.
-Другиот опис е како да си во видеоигра и треба да стигнеш од една до друга дестинација. Овие паркови обично се фамилијарни и може да бидат забавни за целото семејство, вели Каракашов.
Идејата за пректот потекнува од госитн од Финска, кого пределот го потсетил на Лапленд, па ја споделил идејата за парк за развој на алтернативниот туризмам со локалната власт.
Паркот се гради од пари од Општина Пехчево и од хотелот кој ќе се грижи за одржувањето, а чини 1.000.000 денари.
Паркот се градеше пет месеци, а официјалното пуштање во употреба е закажано за 10 јули 2016 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
