Пред време почна реализацијата на проектот изградба на 20 фитнес зони

Три ипол месеци пред време се почна со реализација на изградба на 20 фитнес зони кои се практично теретани на отворено, посочи претседателот на ВМРО-ДПМНЕ Никола Груевски пред партискиот подмладок, говорејќи за постигнатото во делот на спортот.

-Оваа недела веќе се започна со оградување на локациите по што почнува градбата во  општините Кочани, Велес и Штип, а наредни се Ресен и Гевгелија . Вредноста на целиот проект е 40 милиони денари.

Што се однесува до изградба на 150 игралишта за баскет низ целата држава и изградба на скејт паркови во Штип, Кавадарци, Охрид, Тетово, и Куманово во тек е тендерска постапка за избор на проектантска куќа за изработка на основен проект. Општините доставуваат предлог локации, а  тендерот за избор на изведувач ќе биде во септември, по чие завршување ќе се почне со градба.

Се превземаат активности и за изградба на отворен пливачки базен во Шуто Оризари- во моментов се изработува проектот. Тендерирањето за избор на изведувач ќе биде готово во август, а  почеток на градба во октомври или ноември 2016 година. А исто така се работи и на подготвителни активности за затворена високо професионална со сите стандарди гимнастичка сала и затворена тениска арена со три тениски терени во Спортскиот центар Борис Трајковски, чии ДУП очекуваме општина Карпош да го усвои во јули, а градбата да почне во првата половина на следната 2017та година.Една година подоцна се планира да почне и градбата на отворениот пливачки базен во СЦ Борис Трајковски- посочи Груевски пред годишното собрание на УМС.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.