Турнеја „Словенски свет 2016“: „Ноќните волци“ на Путин доаѓаат во Македонија

Најголемата бајкерска група од Русија „Ноќни волци“, која помеѓу останатото е позната и по пријателството со рускиот претседател Владимир Путин, ја почнува својата турнеја под името „Словенски свет 2016“ во рамки на која ќе ја посетат и Македонија.

Во маршот кој го нарекуваат и „јакнење на дијалогот помеѓу словенските народи“ ќе посетат 12 земји, меѓу кои и Србија, Македонија, Црна Гора и Бугарија.

Генералниот шеф на руската мото туристичка организација Евгениј Стронгов појаснил дека турнејата се планира во наредните шест месеци, со цел јакнење на соработката меѓу Русија и земјите од словенско потекло.

-Сакаме да ги поврземе православните земји од словенскиот свет. На Балканот ја имаме Србија, Бугарија, Црна Гора, Македонија и мислам дека таму може да се чувствуваме како дома, рекол за бугарското национално радио Строгов.

„Ноќните волци“ инаку ги предводи Александар Залдонстанов, кој го викаат „Хирург“, а бајкерската група постои од 1980 година, кога е основан како клуб на љубители на мотоцикли и рокенрол.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.