Според пишувањата на американскиот таблоид „Лајф енд стајл“, ријалити ѕвездата Клои Кардашијан е бремена, но не е сигурна кој е татко на нејзиното бебе.
На насловната страница на овој магазин објавена е листа од пет кандидати – Одел Бекам Јуниор, со кој Клои неодамна била видена, раперот Френч Монтана со кој таа раскинуваше и се смируваше неколку пати, кошаркарот Џејмс Харден со кој имаше кратка романса, проблематичниот поранешен сопруг Ламар Одом како и поранешниот партнер на нејзината сестра Кортни, Скот Дисик.
Скот со Кортни има три деца, а иако се разделија, тој остана во блиски односи со семејството Кардашијан.
Тој пак дополнително ја збуни јавноста кога на Инстаграм ја објави оваа насловна страница со коментарот „Држам палци“. Се претпоставува дека сакал да се пошегува на сметка на овие гласини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
