Во петок 10 јуни, 2016 г. со почеток во 20 часот, во Фоајето на Македонската опера и балет ќе се одржи „Концерт на студентите по соло пеење од државните факултети во Р. Македонија, во чест на проф. Коста Трпков“. Професорот Коста Трпков е првиот вокален педагог на Факултетот за Музичка уметност во Скопје и концертот се одржува во знак на негово сеќавање.
Ќе настапат студенти од класите на професорите: Марија Муратовска-Наумова, Горан Начевски, Славица Петровска-Галиќ, Весна Ѓиновска-Илкова, Борис Трајанов и Ана Дурловски.
На програмата се арии од делата на: В. А. Моцарт, Џ. Верди, Џ. Пучини, Р. Леонкавало, Ј. Штраус, Р. Вагнер, П. И. Чајковски, Ж .Бизе и Х. Пурсел.
Ќе ги придружува оркестарот на Македонската опера и балет.
Диригент е Иван Еминовиќ.
Влезот за концертот е бесплатен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
