Репрезентацијата на Бразил одигра без голови против селекцијата на Еквадор во првото коло од Групата Б на Копа Америка, додека Перу минимално со 1-0 славеше против Хаити.
Иако од Бразилците секогаш се очекува победа, овој пат тимот на Дунга мораше да се задоволи само со еден бод против Еквадорците. Уште во првото полувреме Бразил имаше неколку убави можности за гол, но не успеа да ги искористи.
Во вториот дел се играше главно меѓу двата шеснаесетника, а најголемата шанса Бразил ја имаше во финишот кога Лукас шутираше сантиметри покрај десниот дирек од голот на Еквадор.
Во истата група, Перу славеше против Хаити со 1-0, а стрелец на единствениот гол беше искусниот напаѓач Гуереро во 61. минута.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
