Специјалното јавно обвинителство (СЈО) денеска на прес-конференција призна дека информациите што излегоа во јавноста за тоа дека добиваат фантастично високи плати и додатоци кои се движат од 2.500 до 3.500 евра месечно се точни.
Точни се информациите за личните примања на обвинителите во ова јавно обвинителство. Меѓутоа, сакаме да потенцираме дека сите плати, додатоци на плата се пресметуваат во согласност со законските одредби и не ги надминуваат границите што ги предвидува законот, рече портпаролката на СЈО, Ленче Ристоска.
Таа додаде дека заради специфичноста на работата, доколку се земела предвид и обемноста со којашто се соочувале, вработените во ова јавно обвинителство примале и дополителни надоместоци.
Платата и додатоците на Катица Јанева, кои достигнуваат и до 3.500 евра месечно, очигледно не ѝ се доволни, па како што јавноста веќе знае, Јанева побара од државата да ѝ плаќа и месечна кирија од околу 300 евра за стан во Скопје, иако има два стана на нејзино име.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
