Луис Хамилтон од Мерцедес победи на денешната трка во Монако, со што ја оствари првата победа сезонава во Формула 1.
Даниел Рикардо од Ред Бул, кој ја имаше пол-позицијата, го освои второто, а третото место на подиумот му припадна на Серхио Перез од Форс Индија.
Себастијан Фетел од Ферари заврши на четвртото место, а Фернандо Алонсо од Мекларен трката ја заврши на петтото место. Водечкиот во генералниот пласман, Нико Розберг го освои шестото место.
Розберг сеуште е на првата позиција во генералниот пласман со 106 бодови, пред Хамилтон кој има 82. Рикардо е трет со 66, пред возачите на Ферари, Фетел и Раиконен кои имаат по 61 и 60 бодови.
Следната трка се вози на 12. јуни за Големата награда на Канада во Монтреал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
