Организацијата за заштита на човековите права Хјуманс рајтс воч инсистира учесниците на Самитот за хуманитарни прашања да извршат притисок врз Турција да ги отвори повторно границите за сириските граѓани, кои бараат азил.
Самитот почнува во Истанбул в понеделник и на него ќе се дискутира за иднината на хуманитарната помош. Претставникот на ХРВ, Гари Симпсон прецизира денеска дека поминала една година, откако Турција ја затвори границата за граѓаните на Сирија. Турција до моментов прифати 2,7 милиони сириски бегалци. Минатата недела земјата ја зајакна контролата на сириската граница и на нејзина територија прима само ранети бегалци. Според извештај на ХРВ, турските погранични полицајци отворале оган кон сириски граѓани, кои се обидувале да влезат во Турција изминатите месеци. Анкара го демантира ова.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
