Дојран денеска ќе биде домаќин на советување на музејските работници од Македонија на тема „Музеите и културните предели“ во чии рамки ќе биде истакната одговорноста на музеите за нивното опкружување, со оглед на тоа што нивната основна функција е гриѓа за наследството, без разлика дали е тоа внатре или надвор од нивните ѕидови.
Во рамки на советувањето во Дојран ќе биде одбележана 20-годишнината од формирањето на Синиот штит и 14 години од формирањето на Македонскиот национален комитет на Синиот штит, проекти кои се дел од годинашнава програма за финанирање на проекти од национален интерес на Министерството за култура.
Во реализација на овие проекти се вклучува и општина Дојран од каде информираа дека нивен претставник утре ќе ја изнесе и предлог идејата за формирање музеј на отворено под името „Дојрансски фронт“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
