Исламска држава денеска го зазема главното гасно наоѓалиште Шаер во источна Сирија, пренесоа агенциите, повикувајќи се на бунтовнички извори и невладина организација.
Ова е првото освојување на џихадистите во реонот на Палмира, откако тие беа изолирани од градот во март.
Според поврзаната со ИД новинска агенција Амак, борците имаат воспоставено контрола врз гасното наоѓалиште и неговите капацитети, каде биле распоредени сириски војници.
Џихадистите убиле најмалку 30 војници и се здобиле со големо количество тешки оружја, вклучувајќи тенкови и ракети.
Сирискиот центар за набљудување на човековите права потврди дека ИД го завземале реонот на наоѓалиштето, кое се наоѓа на околу 150 километри северозападно од Палмира. Тоа се случило по тридневна напад и покрај масовните воздушни напади за одбивање на борците.
Претходно групата на неколку пати успеваше да воспостави контрола врз наоѓалиштето и гас капацитетите кои се наоѓаат во близина на провинцијата Хомс, но загубија на крајот на 2014 година, иако продолжија да ги напаѓа владините сили во реонот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
