Фестивалот „Буф“ од 09. – 15.мај ќе се одржи по петти пат во Кинотека на Македонија.
-Се вели дека се што е добро се случува три пати. Но, кога еден фестивал ќе се одржи по петти пат, тогаш тој е повеќе од добар, тогаш тој сигурно веќе си го има заземено своето место во срцата и мислите на љубителите на фестивалот. Ова секако важи и за БУФ, Фестивалот за слика и филм за деца, кој исто и во 2015 година заедно со Тито, женката буф која денес има 7 години, го сврте вниманието кон заштитата на природата во Македонија. Темата во 2016 година исто така е од областа на природата, година во која во фокусот се четирите елементи Оган, Вода, Земја и Воздух, велат организаторите.
Ќе биде прикажан висококвалитетен избор на германски филмови за деца и млади кои се оценети со предикатот „исклучително вредни“.
Сите филмови од филмската програма ќе бидат прикажани во оригинал со превод на македонски јазик.Тие се наменети за сите деца кои можат да го читаат преводот или разбираат германски.
Само за ничии очи
09.05.2016 / 12:00
13.05.2016 / 19:00
Режија: Тали Барде
Времетраење: 97 мин.
Година: 2012
Препорачано за возраст: од 12 години
Хокеарот Сам е поразен во игра од неговиот соученик Арон и со гипс на ногата мора да седи на резервна клупа. Ученикот се притајува во својот дом на компјутер, каде преку хакерска програма успева да влезе во собите на неговите соученици: Жртвите не се свесни, дека нивната веб камера е вклучена. Наскоро воајерот станува сведок на убиство: токму Арон се чини дека е исклучително сомнителен меѓу своите четири зида. Сојузничката Ливија ќе му помогне на Сам во истражувањето и наскоро ќе западнат во опасни ситуации.
Петерсон и Финдус: мал напасник, голем пријател
10.05.2016 / 12:00
14.05.2016 / 12:00
Режија: Али Самади Ахади
Времетраење: 80 мин.
Година: 2013
Препорачано за возраст: од 6 години
Стариот Петерсон живее во мала, црвена куќа, а своите денови ги поминува со секира, моделирање и пронајдоци. Тој рибари и ги храни кокошките. Всушност има се што му е потребно во животот. Но некогаш осаменоста го совладува. Еден ден неговата соседка Беда Андерсон, која се грижи за сите, му подарува мал мачор за да му прави друштво. Петерсон го чува со љубов. На среќата и нема крај, кога малиот мачор наречен Финдус започнува да зборува – и тогаш започнува едно прекрасно, навидум неразделно пријателство.
Мара и огноносачот
11.05.2016 / 12:00
15.05.2016 / 19:00
Режија: Томи Крапвајс
Времетраење: 94 мин.
Година: 2015
Препорачано за возраст: од 10 години
Четиринаесетгодишната Мара всушност сака да биде нормална тинејџерка. Но мрачните визии за пропаста на светот не ја напуштаат. Наскоро станува јасно, дека девојчето е навистина „јасновитка“ и дека претстои замрачување на боговите, Рагнарек. Заедно со др. Рајнхолд Вајсингер, универзитетски професор по германска митологија, таа тргнува да го спаси светот. Притоа запаѓа се подлабоко во мистериозен сплет на околности поврзани со еден огноносач, кои и ја ветуваат авантурата на нејзиниот живот.
Рико, Оскар и длабоките сенки
12.05.2016 / 12:00
15.05.2016 / 12:00
Режија: Неле Леана Фолмар
Времетраење: 96 мин.
Година: 2014
Препорачано за возраст: од 8 години
Десетгодишниот Рико кој себе си се опишува како „делумно надарен“ живее сам со својата самохрана мајка. Дента кога го запознава Оскар, набргу сфаќа, дека две години помалото момче е сосема поразлично од него: имено мошне надарено. Но Оскар има постојан страв од светот кој го опкружува. Наспроти сите очекувања различните момчиња се здружуваат и стануваат пријатели.
Бура
13.05.2016 / 12:00
14.05.2016 / 19:00
Режија: Катја фон Гарнир
Времетраење: 106 мин.
Година: 2013
Препорачано за возраст: од 9 години
Мика е гневна. Бидејќи не успеа да премине во следното одделение, нејзините родители и најавија промена на планот: Наместо летен камп сега треба цело лето да учи – и тоа токму на фармата за коњи кај нејзините строги баба и дедо. Но, Мика има сосеми други работи во глава отколку да се крие зад книгите. Волшебно привлечена од едно нервозно животно, и покрај многуте предупредувања, Мика скришно се вовлекува во шталата. Тоа е почеток на едно невообичаено пријателство, а Мика притоа ја открива својата вистинска страст и посебна дарба…
Сите филмови од филмската програма ќе бидат прикажани во оригинал со превод на македонски јазик.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
