Огромен шумски пожар доведе до присилна евакуација на 60.000 луѓе од градот Форт Макмери, во Канада.
Пожарот веќе уништи голем број домови, на улиците има пепел во овој град во провинцијата Алберт. Пожарот започнал на 1 мај југозападно од градот и опфаќа површина од 2.650 хектари. Вчера огнот брзо се приближил кон градот, разгоруван од ветрот. Локалните медиуми јавуваат за уништени куќи, хаос, метеж на патиштата и паника меѓу жителите.
-Ако излезеш да се прошеташ надвор, ќе почувствуваш како пепелта едноставно паѓа врз тебе. Ја гледаш како се носи низ воздухот. Можам да земам метла или четка за да ја отстранам од покривот – вели локалниот жител Марк Дурочар.
Пожарникарите продолжуваат да се борат со огнот, а локалните власти повикаа на засилувања, вклучувајќи и хеликоптер. Засега нема податоци за настрадани луѓе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
