Популарната пејачка Радмила Манојловиќ откри со какви проблеми се соочувала во досегашната кариера.
Триесетгодишната пејачка моментно е членка на жирито на „Ѕвездите на Пинк“ и одлично се снајде во таа улога иако само го менува Харис Џиновиќ.
Рада вели дека иако се зборувало дека посетувала психијатар, тоа не е сосема точно.
-Тоа е малку преувеличено, бидејќи не сум одела кај психијатар, но и да сум, не би имала проблем, тоа да го кажам. Кај нас најголем срам е да се оди на гинеколог и психијатар, но јас не се сложувам со тоа- искрена е Рада.
Таа објаснила дека имала проблем.
-Се случи минатата година да останам без глас. Со недели одев на лекар, но установија дека немам ниеден здравствен проблем, дека гласните жици ми се идеални, а јас не можев да пејам. Почнав да одам кај професорот по пеење Борис Николиќ, кој има завршено и психологија на пеење и тој многу ми помогна- рекла Рада.
Таа со професорот разговарала за своето детство и односите во семејството.
-Многу брзо откри дека стравот е причина за мојот проблем, а со разговорот вежбавме пеење. После три месеци пеев како ништо да не било. Тогаш почнав да пијам и апчиња за смирување – рекла Рада.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
