Познат е актерскиот состав на ревитализираната серија „Твин Пикс“.
Доцна вчера на Фејсбук страницата на проектот беше објавен список со 217 актери, кои или се враќаат во својата улога од оригиналната серија од почетокот на 90-тите или ќе дебитираат во новиот заплет во 2017 година.
Пораката на социјалната мрежа гласи. „Камерите престанаа да снимаат. Клучниот дел од мистеријата е откриен. Добредојдовте повторно во Твин Пикс! “.
Меѓу изненадувањата во објавениот актерски состав присутни се имињата на Моника Белучи, Дејвид Духовни, Лора Дерн, Мајкл Сера, Ешли Џад, Џенифер Џејсон Леи, Наоми Вотс, Тим Рот и самиот Дејвид Линч.
Таму се и музичари како фронтменот на „Перл Џем“ Еди Ведер, Трент Резнор од “Најн инч нејлс” и други.
Како што беше познато, повеќето актери од оригиналната серија се враќаат во улогите, но има и отсутни. Ги нема Лара Флин Бојл, која ја одигра Дона, Пајпер Лори, која беше Кетрин, и Мајкл Онткин кој игра шерифот Хари Труман.
Во продолжението на серијата се раскажува 25 години потоа, откако жителите на малиот северозападен град беа шокирани од убиството на Лора Палмер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
