Започнаа градежните работи за темелна обнова на булеварот Ѓорче Петров. Реконструкцијата која ќе се изврши во должина од 1245 метри, ќе започне од кружниот тек кај СП Планет, па се до општината Ѓорче Петров.
На почетокот на градежните работи на овој проект вреден 18,6 милиони денари, присуствуваат претседателот на ВМРО-ДПМНЕ Никола Груевски, градоначалниците на Град Скопје и општината Ѓорче Петров, Коце Трајановски и Сокол Митревски.
Се очекува преку оваа темелна реконструкција да се зголеми безбедноста за сите учесници во сообраќајот и да се уреди просторот.
Градежната офанзива во Скопје ќе продолжи и во идниот период. Во сите 10 скопски општини ќе има барем по два капитални проекти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
