Беспилотно летало погодило авион на британската авионска компанија „Бритиш ервејз“ додека слетувал на аеродромот „Хитроу“ во Лондон, соопшти полицијата на Метрополитен.
Авионот што летал на релација Женева – Лондон, со 132 патници и со петмина членови на екипажот, безбедно се спуштил на аеродромот.
По слетувањето, пилотот на „ербасот“ го пријавил инцидентот, објаснувајќи дека „некаков објект“, за кој рекол дека „најверојатно е беспилотно летало“, удрил во предниот дел од леталото.
Отворена е истрага од аеродромските власти на „Хитроу“, како и од британската полиција, но претставник на полицијата изјави дека, засега, никој не е уапсен.
Ова е прв регистриран случај во Велика Британија беспилотно лтало да удри во некој патнички авион.
Во соопштението на „Бритиш ервејз“ се вели дека за компанијата е „најважно дека авионот слетал безбедно“.
Компанијата соопшти дека веднаш била направена експертиза на леталото и било утврдено дека авионот може одново да полета.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
