Германската влада одлучи да испрати јавна порака до Хрватска да се откаже од блокирањето на Србија за поглавјето 23 вопреговорите меѓу Србија и ЕУ. Пораката е испратена во форма на предупредување дека Загреб, во случај на блокада, би можел да остане без потребните средства од европските фондови.
-На Хрватска и треба ЕУ, како и партнерите од ЕУ, таа има цели кои сака да ги оствари . Во спротивно, Хрватска бргу ќе увиди дека ниту на нејзините идеи и проекти нема да се излегува во пресрет. Бидејќи во Унијата вреди правилото да се зема и да се дава. На пример за тоа како Хрватска попушта, пред самото соединување донесен е ткн, лекс Перковиќ, од кој Загреб бргу се откажа- посочи за Дојче веле Гинтер Крихбаум, претседател на Одборот за односи со ЕУ во Бундестагот и висок претставник на ЦДУ.
Неговата изјава не изненадува бидејќи неодамна предупреди дека процесот на евроинтеграциите не е алатка за решавање на билатерални спорови и дека Германија ја поддржува Европската комисија во намерата Србија бргу да ги отвори поглавјата 23 и 24.
-Немам разбирање за хрватска бидејќи се работи за билатерални теми за мкои очекуваме да се решат во предвидени модули и судови, за тоа имаме меѓународни судови. Потсетувам дека Хрватска беше во слична ситуација во однос на Словенија кога беше спорна границата во Пиранскиот залив. И тогаш влијаевме на Словенија да се откаже од својата блокада- додаде германскиот политичар.
-Таму треба да се сетат како ним им се помогна кога беа во слична ситуација и како Хрватска вети дека нема да создава такви блокади. А тоа сепак го направи- додаде тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
