Поради најавените протести за вечерва центарот на Скопје од попладнево е блокиран за сообраќај. Не се пропуштаат возила на ул. „11 Октомври“, од крстосницата со булевар „Кочо Рацин“ до крстосницата со булевар „Климент Охридски“, како и на улиците „Даме Груев“ и „Војвода Васил Аџиларски“. Сообраќајната полиција го пренасочува сообраќајот по околните булевари и улици.
Поставени се и заштитни огради на улица „11 Октомври“ околу Собранието на Република Македонија, каде синоќа се одржаа протести по завчерашната одлука на претседателот Ѓорге Иванов за општ прекин на сите постапки против политичари и нивни соработници поврзани со прислушувањето и политичката криза.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
