Пет лица се полесно повредени во изминатите 24 часа во 13 сообраќајни несреќи што се случиле во главниот град.
На подрачјето на град Скопје се случиле вкупно 13 сообраќајни незгоди. Пет лица биле полесно повредени во три сообраќајни несреќи, а во 10 причинител е материјална штета.
Во текот на изминатиот ден по спроведените контроли над учесниците во сообраќајот од страна на сообраќајната полиција, откриени се и санкционирани се поголем број прекршоци. Десет возачи не ги почитувале ограничувањата на брзината на движење, седум возачи го управувале возилото под дејство на алкохол и се исклучени од сообраќај, тројца возачи поминале на црвено светло на семафор и 13 возачи за време на управување на возилото не го користеле сигурносниот појас или го користеле мобилниот телефон.
Санкционирани се и седум пешаци кои поминале вон обележан пешачки премин или, пак, поминале на црвено светло на семафор. Со помош на специјалното возило во текот на изминатиот ден отстранети се 54 возила.
Во делот на превентивните активности денеска ќе се одржат едукативни работилници со учениците од второ и четврто одделение во ОУ „Глигор Прличев“, како и со деца од градинката „Детска радост“, општина Гази Баба, Сообраќајната полиција ќе преземе мерки за безбедно одвивање на сообраќајот поради фудбалски натпревар помеѓу ФК Работнички и ФК Брегалница Сандански во рамки на Купот на Македонија во фудбал, што треба да почне во 16 часот на арената „Филип Втори“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
