Австралискиот голман со македонско потекло, Стефан Петковски, преживеал удар од гром за време на тренинг со неговиот клуб Мелак Јунајтед од Малезија каде што дошол минатата година.
18-годишниот голман ја загубил свеста, по што итно е пренесен во локалниот медицински центар каде што е приклучен на апарати. Сепак неговата здравствена состојба е стабилна, како што информираат од клубот.
– Неверојатно е ова што се случи. Цел ден врнеше ситен дожд, но не очекувавме да има последици – се вели, меѓу другото, во соопштението од клубот.
Громот го удрил и соиграчот на Петковски, Мухд Афик Азуан, но тој поминал само со полесни повреди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
