МЗТ Скопје, по очајното прво полувреме на вечното дерби со Работнички, во вториот дел со подобра игра успеа да се врати, а во последните пет минути целосно да го сврте резултатот во своја полза и да забележи победа над најголемиот свој домашен ривал.
Триумфот е тоа што се брои, но „металците“ се свесни дека ќе мора да играат многу поквалитетно во финишот на сезоната и во плеј-офот доколку повторно ја сакаат шампионската круна.
– Во првото полувреме бевме премногу пасивни, не ги послушавме советите на тренерот Јончевски, а кога Работнички се одлепи внесе и нервоза во нашите редови, па не игравме онака како што знаеме. На полувремето се консолидиравме, па во вториот дел заигравме поагресивно и во напад и во одбрана, па на крајот пресуди нашиот квалитет и сметам дека заслужено победивме. Победата радува, но на сите ни е јасно дека можеме и мораме да играме многу подобро, ако сакаме да стигнеме до нова титула – изјави капитенот на МЗТ Скопје, Дамјан Стојановски по завршувањето на вчерашниот дерби дуел.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
