Погледите на светската фудбалска јавност полека, но сигурно се вртат кон Шпанија каде претстојниот викенд се игра „Ел Класико“, Барселона на „Камп Ноу“ го пречекува Реал Мадрид. Каталонскиот тим во моментот има огромни десет бода предност во однос на „кралевите“, а Герет Бејл е оптимист дека Реал Мадрид може да победи на ова важно гостување.
– Во фудбалот е се возможно. Барселона има десте бода предност, но ако ние победиме на големото дерби, тогаш ќе намалиме на седум бода негатива и ќе имаме право да се надеваме и на титулата. Треба да ги нападнеме и да одиграме тимски. Токму тоа ни недостигаше на претходните мечеви против Барселона, но, мислам дека сега се подготвуваме одлично и работите одат во правилна насока – изјави Герет Бејл.
„Ел Класико“ е закажано за в сабота, со почеток во 20.30 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
