Ричи Хејвенс, американскиот фолк-музичар што го отвори легендарниот фестивал „Вудсток“ во 1969 година, почина од срцев удр во 72. година од животот во својот дом во Џерси Сити, во Њу Џерси.
Хејвенс беше музичар кој беше познат по својот исклучителен стил на свирење гитара и пеење. Тој го отвори „Вудсток“ со својата верзија на духовната песна „Слобода“ (Freedom), која потоа стана химна на хипи-генерацијата, а тој стана икона на тоа време.
Сеќавајќи се за тие времиња, тој изјави дека сѐ што е убаво во неговиот живот, е поврзано со тој период. Хејвенс во својата кариера сними најмалку 25 албуми, а во 1993 година настапи и на инаугурцијата на тогашниот претседател на САД, Бил Клинтон.
Освен по музиката, оние што го познаваа Хејвенс, го паметат и по неговата нежна и чувствителна природа, хуморот и силната посебност. Тој имаше единствен стил на пеење. Со музика почнал да се занимва во 20-тата година, а „Вудсток“ беше негова пресвртница во кариерата, настапувајќи на исто место со Џими Хендрикс и со Џенис Џоплин. Така, тој брзо го најде своето место меѓу ѕвездите.
На фестивалот во 1969 година настапил прв бидејќи останатите музичари доцнеле. Неговиот настап траел дури три часа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
