Белгиските обвинители ја потврдија поврзаноста на нападите во Париз и Брисел

Белгиските обвинители денеска соопштија дека бомбашот самоубиец, чија мета беше бриселското метро, изнајмил куќа која ја користел како засолниште за терористите од Париз и дека полицијата уште од декември трага по него. Денешното соопштение од кабинетот на сојузното обвинителство ја потврдува поврзаноста на нападот во Париз, на 13 ноември минатата година, и нападот во Брисел, јавува Танјуг.

Во соопштението се вели дека белгискиот истражен судија, кој бил вклучен во истрагата за нападите во Париз, издал европска и меѓународна потерница за Халид Ел Баркау на 11 декември минатата година. Судијата потврдил дека Бакрауи е осомничен за изнајмување на куќа во областа Шарлоа под лажно име. Неколкумина бомбашисамоубијци кои ги излеле нападите во Париз биле белгиски државјани или на некој друг начин биле поврзани со Белгија, потсетува Танјуг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.