Заменик министерот за образование и наука Спиро Ристовски денес е во посета на Тетово и неколку околни населени места.
При посетата на средбите со граѓани Ристовски посочи дека во овој регион се реализирани голем број на проекти во образованието, инфраструктурата и во останатите области, додајавќи дека особено внимание е посветено на отворањето на нови работни места.
-Во изминатиов период, покрај инфраструктурните проекти и реформи во сите области, особено бевме насочени кон креирање на нови работни места. Преку привлекувањето на странските инвестиции и поддршката кон домашниот приватен сектор на ниво на држава се отворија над 150.000 нови работни места, од кои над 7.000 се само во тетовскиот регион- истакна Ристовски.
Тој потенцираше дека и во периодот кој следи зголемувањето на вработеноста ќе биде еден од клучните приоритети на ВМРО-ДПМНЕ, затоа што економската стабилност и независност е најважното прашање и го тангира секој еден граѓанин.
Заменик министерот имаше средба и со неколку здруженија на граѓани при што беа истакнати предлози и идеи кои што можат да бидат составен дел од новата програма на ВМРО-ДПМНЕ која што е во фаза на подготовка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
