Тројцата терористи кои се одговорни за крвавиот пир во Брисел се упатиле кон аеродромот Завентем со такси. Имено, тие побарале од такси-компанијата да ги земе комбе, но бидејќи диспечерот не разбрал точно по нив дошол „седан“. Како што пренесува белгискиот портал „Дхнет“, терористите поради оваа грешка морале да земат со себе само дел од експлозивот и другиот материјал планирани за нападот.Тоа го потврдува и рацијата која полицијата ја спроведе синоќа во градот Шарбек. Пронајдена е и четврта бомба која била мошне моќна и со голем степен на ризик внимателно била демонтирана. Доколку таа бомба била активирана на аеродромот Завентем, можела да го разнесе целиот блок.Полицијата соопшти дека бомбата е направена во „домашна работилница“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
