Договорот на најголемите светски производители идниот месец во Доха да одржат состанок на кој би се разговарало за ограничување на производството ги зголеми цените на нафтата на светските берзи.
На берзата во Њујорк, американската „лесна“ нафта поскапи за половина долар на 39,44 долари за барел, додека северноморската нафта од типот „брент“ која се увезува и во Македонија поскапи за 18 центи и тргувањето го заврши на 41,20 долар за еден барел.
Оваа цена е за повеќе 6 долари повисока од просечната цена врз основа на која Регулаторната комисија за енергетика ги одреди малопродажните цени на 7 март.
Тогаш, просечната цена на барел нафта изнесувала 34,945 долари а курсот на доларот изнесувал 56,09 денари. Во моментов еден долар вреди 54,69 денари
Следната корекција на малопродажните цени на нафтените деривати во Македонија ќе се случи на 21 март, односно утре. За очекување е регулаторот да одреди нови, значително повисоки цени на нафтените деривати во Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
