Специјалното јавно обвинителство денеска треба да го достави шестмесечниот извештај за својата работа до Собранието на Република Македонија и до Советот на јавни обвинители.
Според Законот, со кој е основано Специјалното јавно обвинителство на 15 септември 2015 година, СЈО е должно да дава извештај за својата работа пред Собранието на РМ и пред Советот на јавни обвинители.
Извештајот, како што се наведува во Законот, треба да содржи податоци за активностите на СЈО, вклучувајќи и опис за напредокот во која било истрага или гонење преземено од јавниот обвинител. „Во извештајот може да бидат изоставени материјали кои според јавниот обвинител треба да се чуваат како доверливи, но ќе обезбеди соодветни информации за да ги оправда трошоците“, се вели во Законот за Специјалното јавно обвинителство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
