Во просториите на Францускиот институт во Солун, денеска, 11 март, ќе биде одржана „Балканска книжевна вечер“. Манифестацијата се одржува во рамките на Деновите на франкофонијата, во организација на Францускиот институт, а во соработка со конзулатите на Република Македонија и на Република Албанија.
Вечерта е посветена на делото на македонскиот писател, академик Влада Урошевиќ и на албанскиот романсиер Исмаил Кадаре, и притоа е предвидено присуството на двајцата писатели.
Вечерта ќе ја отворат дипломатските претставници на Македонија и Албанија во Солун – Маја Апостолова и Павлина Или.
За поезијата на Влада Урошевиќ и, посебно, за неговата нова книга песни преведена на француски и објавена во Париз, ќе зборува писателот Владимир Мартиновски, професор на Филолошкиот факултет во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
