Грција го повлече амбасадорот од Австрија

Грција одлучила да го повлече амбасадорот во Австрија поради состанокот во Виена за бегалската криза со претставници од земјите на Балканот на кој Грција не беше повикана.

Таа одлука на ЕУ, Грција ја оцени како „непријателски чин“ а амбасадорот е повлечен на консултации, пренесува Би-Би-Си.

шефот на грчката дипломатија Никос Коѕиас го повикал амбасадорот од Виена „за да се осигура зачувувањето на пријателските односи меѓу двете држави и народи на Грција и Австрија“, се наведува во соопштението на грчкото министерство. Грција поради својата голема морска граница со Турција и близината на грчките острови до турскиот брег стана главна точка за влез на стотици илјади луѓе кои бегаат од војните на Блискиот исток и се надеваат на подобар живот во Европа.

Грчкото министерство истакнува дека е јасно дека со големите проблеми на ЕУ не можеме да се избориме со помош на мисли, менталитет и вонинституционални иницијатива кои потекнуваат од 19 век, предупредува грчкото министерство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.