Експлозија одекна во британската електрана Дидкот, на 113 километри западно од Лондон, во англиската област Оксфордшир. Полицијата објави дека се работи за сериозен инцидент во кој има и жртви. Засега се соопштува најмалку за еден загинат.
На местото се испратени спасувачки тимови, шест возила на брза помош и два хеликоптери.
Снимки емитувани на телевизиите покажуваат дека дел од една голема постројка во самата централа е разурната.
Засега не се соопштуваат повеќе детали за инцидентот.
Како што наведува британски „Индипендент“, електраната требало да биде урната кон крајот на годината. Таа не е во функција од 2013 година, но има сомневања дека оваа експлозија не е намерно предизвикана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
