Каков е животот кога татко ти е олигарх (ФОТО)

По низата слични профили, на „Инстаграм“ се појави уште еден кој открива како живеат децата на руските олигарси, па затоа не е тешко да се сфати зошто тој набрзо стана интернет-сензација. 

Младите Руси, на кои богатите родители им ги наполниле банкарските сметки, уживаат во луксуз, а овој профил тоа редовно го документира.

На профилот можат да се видат младите богати Руси опкружени со луксузни автомобили, приватни авиони, скапи јахти и светски познати личности.

Иако тие ги објавиле фотографиите со цел да се пофалат со своето богатство, овој профил се подбива со нив.

Како што може да се претпостави, „богатите руски деца на Инстаграм“ е инспирирано од западната верзија на „богатите деца на Инстаграм“, а фотографиите за расфрлање со парите се многу слични.

Синовите на руските олигарси се фалат со своите возни паркови и часовници, а ќерките сакаат да го покажат своето тело крај базен или на песочните плажи на егзотични дестинации.

Иако се потсмева на социјалната неправда, авторот на овој профил тврди дека не ги мрази младите богаташи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.