Белгискиот олеснувач Питер Ванхауте во најново објавената фотографија на Твитер прикажува вперен пиштол во мачка која се предава и „вели“ дека изборите нема да се одржат на 24 април. На овој начин Ванхауте ја персонализира Република Македонија со мачка во која е вперен пиштол. Но, што сака да порача белгискиот олеснувач со оваа фотографија? – запраша Курир.
Објавувањето на фотографии со мачки со некакви пораки започна по терористичките напади во Париз минатата година и по полициските акции кои се спроведуваа низ Белгија со цел сузбивање на терористички групи и пронаоѓање на „мозоците“ од Париз за кои постоеја сомневања дека се кријат во Белгија.
За да може рацијата да биде успешно извршена, полицијата побара од интернет корисниците во Белгија да не пишуваат ништо на Твитер, ништо поврзано со операцијата, бидејќи таквите информации би можеле да ја саботираат акцијата и да ги распрскаат групите.
Не е познато кој ја започнал ваквата акција, но она што со брзина на светлината се прошири низ социјалните мрежи, се фотографии од мачки како читаат книги за одбрана, како се заштитуваат, имаат тело на диносуруси и слично….
Целта била на симболичен начин да се споделуваат информации, да се даде поддршка на полицијата во заштита на државата и граѓаните. Во овој случај мачките ја претставуваат државата, нејзината сувереност, но и граѓаните, истовремено нејзините силни институции кои застануваат во одбарана на државата, а во случајот целата Европска Унија. Симболично, мачката низ историјата на народите има и значење на заштитник.
По ваквите симболики неизбежно е прашањето зошто Ванхауте впери пиштол во државата?
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
