Викендов очекуваме нагла, но краткотрајна пресвртница во однос на временските услови, најави „Метеопро“.
Сабота ќе почне со умерена облачност и релативно топло утро. Минималната температура ќе има вредности меѓу 3 и 6 Целзиусови степени.
Рано попладне се очекува облачноста нагло да се зголеми, а од неа очекуваме бран на врнежи со прогресија од северозапад кон југоисток. Врнежите ќе се интензивираат во дел од попладневните и вечерните часови. На повисоките места, над 1.300 метри, се очекува дел од врнежите да бидат од снег.
Попладне и навечер ќе дува умерен северозападен ветер.
Максималната дневна температура ќе има вредности во дијапазонот меѓу 8 и 2 степена, а на југоисток до 15. Во недела утрото ќе биде постудено, низ котлините за 2 степена постудено од сабота, а на повисоките населени места се очекува минимала од -2 степена. Наутро ќе биде пооблачно во однос на остатокот од денот. Околу пладне облачноста нагло ќе се намали, а со тоа ќе очекуваме сончеви периоди.
Дневната максимална вредност на температурата во однос на сабота ќе биде повисока за 2 степена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
