Курц: Ќе се смени удобната позиција на Грција

Министерот за надворешни работи на Австрија Себастијан Курц оцени синоќа дека поради одлуката на другите држави да го ограничат прифаќањето бегалци, ќе се смени и позицијата на Грција, за која рече дека досега била многу удобна.

Во дневникот на австриската државна телевизија ОРФ, по завршувањето на еднонеделната балканска турнеја, Курц рече дека европската политика кон бегалци мора да се откаже од неограничено прифаќање и наместо тоа да се заложи за пружање повеќе помош на самото место.

– Грција во моментов е во многу удобна ситуација, бидејќи речиси ниту еден бегалец не се задржува во таа земја подогло од 24 часа. Ако таа ситуација се смени, Атина одеднаш би била подготвена да ја прифати понудата од ЕУ, убеден е Курц.

Што се однесува на бегалците кои бегаат преку море, тој вели дека најдобро решение би било кога спасувањето не би било врзано со понатамошен транспорт во централна Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.