Дамите се принудени да одбираат меѓу квалитетот на спермата и убавото лице.
Студија објавена во магазинот „Журнал на еволуциска биологија“ открива дека мажите со привлечна надворешност произведуваат сперма со послаб квалитет.
-Целата на истражувањето беше да се тестира потенцијална способност на изборот на плоден партнер – прецизираа шпанските, финските, колумбиските и австралиските научници, кои учествуваа во оваа студија. Тие анализирале сперма на 50 студенти од Универзитетот во Валенсија, Шпанија. Потоа ги покажале нивните фотографии на хетеросексуални мажи и жени на возраст од околу 20 години.
Жените имала задача да изберат маж за долга врска, а мажите да покажат кои субјекти, според нив, им се привлечни на жените.
За „Убави“ биле означени мажи со мажествени црти на лице, како широка вилица. Но резултатите меѓутоа покажаа дека нивната сперма е со најслаб квалитет.
– Се покажало дека високо ниво на тестостерони може лошо да влијае на произведување сперма – појасниле истражувачите.
– По сè изгледа дека убавината доаѓа како еден вид компензација на послаба плодност – заклучиле тие.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
