Турските власти, со ретки исклучоци, редовно одбиваат да ги задржат и предадат на Русија нејзини граѓани кои патуваат преку Турција кон Блискиот Исток и Северна Африка за учество во екстремистички групи.
Москва нема да го заборави тоа помагање на тероризмот. Тоа го вели рускиот министер за надворешни работи Сергеј Лавров во интервју за италијанското списание „Лимес“.
– Русија во неколку наврати истакна загриженост од зголемената терористичка закана во Турција и недостатокот на подготвеност кај турските власти да соработуваат во борбата против тероризмот. На пример, независно од постојаните барања, Анкара, со ретки исклучоци, избегнува соработка за задржување и предавање на руските органи на законот, на граѓани на Русија кои патуваат кон Блискиот Исток и Северна Африка со цел пристапување кон терористички и екстремистички групи. Ние нема да го заборавиме тоа помагање на тероризмот, вели Лавров.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
